Punktar fyrir Branded to Kill

Seijun Suzuki er einn óvenjulegasti kvikmyndagerðarmaður sem náð hefur frægð. Hann er fæddur 1923 á nokkuð óvenjulegum tíma í Japan. Hann var í veðufræðideild japanska hersins í seinni heimsstyrjöldinni og varð oft fastur á hættulegum stöðum og varð vitni að mörgum voðaverkum. Reynsla hans mótaði að miklu leiti níhílískan módernistastíl hans. Það er gegnumgangandi svartsýni í myndum hans og hann hefur mun meira áhuga á niðurrofi en sköpun. Það breytir því ekki að myndir hans eru yfirleitt mjög skemmtilegar og það er lítil virðing fyrir formlegheitum, sem minnir óneitanlega á fyrstu myndir Godard.

Suzuki hóf störf í kvikmyndum eftir stríðið og fór fljótlega að leikstýra. Á þeim tíma var sterkt stúdíókerfi í Japan sem var svipað uppbyggt og í Hollywood. Hann vann hjá Nikkatsu sem sérhæfði sig hasar og Yakuza (gangster) myndum. Auga hans fyrir uppbyggingum innan rammans varð til þess að hann þótti gera flottar myndir en stúdíóinu fannst hann of djarfur og að myndir hans gengu ekki nógu vel. Eftir Branded to Kill var hann rekinn frá Nikkatsu (líklega vegna persónulegra deilna en það er umdeilt). Eftir að starfa í sjónvarpi fór hann aftur að gera myndir og er enn að.

Myndin er ofboðslega skrítin fyrir vesturlandabúa en svona myndir voru algengar og vinsælar í Japan. Myndatakan, sviðsmyndin, leikurinn og frásögnin eru hins vegar hrein Suzuki-stílbrögð. Hann hafði ekkert val um hvaða myndir hann gat gert, heldur var honum afhent handrit rétt eins og öðrum stúdíóleikstjórum. En hann gerði allt sem hann komst upp með til að gera myndir sínar í persónulegum stíl. Hlutir sem einkenna Suzuki á þessum árum eru ósamfelld klipping, mjög stílfærður leikur, fjörug tónlist, lítið sem ekkert raunsæi , go-go stelpur og gjarnan vafasamar persónulegar þarfir “hetjunnar” – Takið eftir hrísgrjónum í þessari mynd.

Það er von okkar að þið kynnið ykkur japanskar myndir aðrar en klassísk verk meistaranna og Anime-teiknimyndir. Því það er heill óuppgötvaður heimur þarna hulinn.

Kinofill ráðleggur:

Seijun Suzuki:

Youth of the beast (1963)

Gate of Flesh (1964)

Tattooed Life (1964)

Story of a Prostitute (1965)

Tokyo Drifter (1966)

Fighting Elegy (1966)

Tsigoineruwaizen (1980)

Kageroza (1981)

Yumeji (1991)

Princess Raccoon (2005)

Yakuza:

Agitator (2001)

Black Rain (1989)

Boiling Point (1990)

Brother (2000)

Dead or Alive (1999)

Dead or Alive 2 (2000)

Ichi the Killer (2001)

Kikujiro (1998)

Shinjuku Triad Society (1995)

Sonatine (1993)

Violent Cop (1989)

The Yakuza (1974)

Don Siegel:

Invasion of the Body Snatchers (1956)

Flaming Star (1960)

The Killers (1964)

Dirty Harry (1971)

The Shootist (1976)

Escape from Alcatraz (1979)

Nagisa Oshima:

Ai no corrida / In the Realm of the Senses (1976)

Merry Christmas Mr. Lawrence (1982)

Taboo/Gohatto (1999)

Russ Meyer:

Faster, Pussycat! Kill! Kill! (1965)

Vixen (1968)

Beyond the Valley of the Dolls (1970)

Supervixens (1975)

Beneath the Valley of the Ultra Vixens (1979)